Axmed-Siilaanyo oo xidhiidh la sameeyay M/weyne kuxigeenka oo Cusbatal ku jira


Hargeysa, (NNN)- Xisbiga Mucaaradka ah ee KULMIYE, ayaa sheegay in guddoomiye Axmed Maxamed Maxamuud (Siilaanyo) uu xidhiidh khadka telefoonka ah la sameeyay Madaxweyne kuxigeenka Somaliland Axmed Yuusuf Yaasiin oo hadda ku jira Cusbatal ku yaala dalka Faransiiska.
Sida lagu sheegay warsaxaafadeed kooban oo uu wadahadalkaa ka soo saaray Xoghayaha KULMIYE Mr. Kayse Xasan Cige, Madaxweyne kuxigeenku waxa uu guddoomiyaha u xaqiijiyay in hadda xaaladiisa Caafimaad wanaagsan tahay.
 
Warsaxaafadeedkaasina waxa uu u dhignaa sidan; “Guddoomiyaha Xisbiga KULMIYE Md. Axmed Maxamed Siilaanyo, wuxuu maanta taleefan kula hadlay M/weyne ku xigeenka JSL Mudane Axmed Yuusuf Yaasiin oo hadda socdaal caafimaad ku jooga Dalka Faransiiska, wuxuuna ka waraystay xaaladiisa caafimaad.
Madaxweyne ku xigeenka JSL Mudane Axmed Yuusuf Yaasiin waxa uu uga waramay Mudane Axmed Siilaanyo xaaladiisa caafimaad, wuxuuna u xaqiijiyey inuu aad iyo aad u wanaagsan yahay.
Guddoomiyaha Xisbiga Kulmiye Mudane Axmed Maxamed Siilaanyo, wuxuu isaga oo ku hadlaaya magaciisa, kan Xubnaha Xisbiga iyo taageerayaashaba u gudbiyey M/weyne ku xigeenka salaan, waxaana uu ILLAAHAY uga baryey inuu caafimaad sareecanna siiyo.
Mudane Axmed Siilaanyo waxa uu u rajaayey M/weyne ku xigeenka Mudane Axmed Yuusuf Yaasiin inuu ku soo laabto dalkiisa Hooyo isaga oo caafimaad qaba, si uu u sii wato hawshii uu Qaranka u hayey.”
Xigasho: Ogaal

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: